Ռուսաստանի Դաշնության Անվտանգության խորհրդի քարտուղար Նիկոլայ Պատրուշևը հայտարարել է, որ ուկրաինական ստորաբաժանումներն ընթացիկ տարում անօդաչու թռչող սարքերով ավելի քան 70 հարձակում են իրականացրել Ղրիմի վրա։

Նրա խոսքով՝ 2023 թվականի սկզբից ուկրաինական զինված կազմավորումները Ղրիմի վրա հարձակումներ են իրականացրել առնվազն 70 անգամ՝ անօդաչու սարքերի միջոցով։ Այս մասին նա հայտարարել է Կրասնոդարում Հարավային դաշնային օկրուգի անվտանգությանը նվիրված հանդիպման ժամանակ, գրել է РАДИО 1-ը։

Նա հավելել է, որ նախօրեին Ռուսաստանի հակաօդային պաշտպանությունը Ղրիմի հյուսիսում որսացել է 2 ինքնաթիռ։