Ուկրաինական պատերազմում «Վագների» վարձկաններին կփոխարինեն Չեչնիայի զինվորականները
Ռուսաստանի իշխանությունները մտադիր են էլ ավելի շատ բանտարկյալներ և չեչեն զինվորականներ ուղարկել Ուկրաինա՝ երկրում լիարժեք մոբիլիզացիայից խուսափելու համար։ Այս մասին գրում է Bloomberg-ը՝ վկայակոչելով եվրոպական հետախուզության աղբյուրները։
Գործակալության զրուցակիցների խոսքով՝ ռուսական բանակում կադրերի պակասը ձևավորվել է մայիսի վերջին՝ Բախմուտից Վագներ ՄՌԿ-ի հեռանալուց հետո, ինչն իր հերթին ստիպել է ռուս զինվորականներին լրացուցիչ ռեսուրսներ փոխանցել այս ուղղությամբ։
Պատերազմին մասնակցելու համար ՌԴ պաշտպանության նախարարության կողմից հավաքագրված գերիների թիվը Bloomberg-ի աղբյուրը գնահատել է մոտ 15 հազար մարդ, նրա կարծիքով՝ այն կարելի է ավելացնել։
Հյուսիսային Կովկասի և զինված հակամարտությունների գծով մասնագետ, վերլուծաբան Հարոլդ Չեմբերսը քննադատաբար է վերաբերվել հրապարակված տեղեկատվությանը։
