Ռուսաստանը և Սիրիան համատեղ զորավարժություններ կանցկացնեն

Սիրիայում հուլիսի 5-ին կսկսվեն ռուս-սիրիական զորավարժությունները։ Դրանք կանցկացվեն 6 օր։ Այս մասին ճեպազրույցում հայտարարել է Արաբական Հանրապետությունում պատերազմող կողմերի հաշտեցման ռուսական կենտրոնի ղեկավարի տեղակալ, կոնտր-ծովակալ Օլեգ Գուրինովը։ 

«Հուլիսի 5-ից Սիրիայում սկսվում են ռուս-սիրիական համատեղ զորավարժությունները, որոնք կտևեն 6 օր։ Զորավարժությունների ընթացքում նախատեսվում է մշակել օդային հարվածները հետ մղելու ավիացիայի, հակաօդային պաշտպանության ուժերի ու միջոցների և էլեկտրոնային պատերազմի համատեղ գործողությունների հարցերը»,- հայտնել է կոնտր-ծովակալը։ 

Օլեգ Գուրինովի խոսքով՝ մեկ օրում Իդլիբի դեէսկալացիայի գոտում ռուսական ուժերը երեք անգամ հրետակոծել են կառավարական զորքերը «Ջաբհաթ ալ-Նուսրայի» և «Թուրքեստանի իսլամական կուսակցության» կողմից: Երկու գնդակոծություն է գրանցվել Հալեպի նահանգում, մեկը՝ Լաթաքիայի նահանգում։