![ԱՄՆ-ն կասետային զինամթե՞րք կուղարկի Ուկրաինա](https://auroranews.am/storage/img/base_image/old/f7b896d323914c756417fd86ff5cb319.webp)
ԱՄՆ-ն կասետային զինամթե՞րք կուղարկի Ուկրաինա
![ԱՄՆ-ն կասետային զինամթե՞րք կուղարկի Ուկրաինա](https://auroranews.am/storage/img/base_image/old/f7b896d323914c756417fd86ff5cb319.webp)
ԱՄՆ նախագահ Ջո Բայդենի վարչակազմը դիտարկում է Ուկրաինային կասետային զինամթերք տրամադրելու հնարավորությունը, գրում է CNN-ը՝ հղում անելով իր աղբյուրներին։
Նրանց խոսքով՝ առաջիկայում սպասվում է այս հարցում Սպիտակ տան վերջնական որոշումը, որից հետո զինամթերքը կարող է ներառվել Կիևին տրամադրվող ռազմական օգնության նոր փաթեթում՝ արդեն հաջորդ ամիս:
Բայդենի վարչակազմի ներկայացուցիչներն ասում են, որ կասետային զենքը կարող է օգնել ուկրաինացի զինվորականներին:
CNN-ը հիշեցնում է, որ Միացյալ Նահանգները 2016 թվականին սկսել է աստիճանաբար դադարեցնել կասետային զինամթերքի օգտագործումը, քանի որ դրանք պարունակում են հարյուրավոր փոքր «կասետային ռումբեր», որոնք հաճախ ռազմի դաշտում մնում են չպայթած՝ վտանգ ներկայացնելով քաղաքացիական անձանց համար: