Սանկտ Պետերբուրգի «Վագների» գրասենյակում նկատել են Պրիգոժինին հիշեցնող տղամարդու
Հունիսի 26-ին և 28-ին Սանկտ Պետերբուրգում «Վագների» խմբի գրասենյակում Եվգենի Պրիգոժինին հիշեցնող տղամարդ է նկատվել։ Այս մասին հայտնում է Fontanka-ն՝ երկու աղբյուրների վրա հղումով, գրում է RTVI-ի թելեգրամյան ալիքը։
Խոսքը Վասիլևսկի կղզում Պրիգոժինի գրասենյակի մասին է։ Fontanka-ն գրում է, թե Flightradar24-ի տվյալները նույնպես վկայում են նրա` Սանկտ Պետերբուրգում գտնվելու մասին։
Հրապարակման աղբյուրներից մեկի համաձայն՝ նույն անձին տեսել են հունիսի 28-ի առաջին կեսին Պրիգոժինի անվան հետ կապվող շենքերից մեկում։ Երկու օր առաջ «Տրեզինի» հյուրանոցի մոտ նկատել էին Պրիգոժինին նման մի տղամարդու։ Այնտեղ նա իբր հանդիպել է իր ենթակաների հետ։
