Սերյան Օհանյանը պարզաբանել է, թե ինչու ընդիմադիրները չեն մասնակցել քննիչ հանձնաժողովի նիստին
Մենք քննիչ հանձնաժողովի նիստին չենք մասնակցում, որովհետև այդ քննիչ հանձնաժողովն իր ՔՊ մեծամասնությամբ, իր մասնագիտական կարողություններով այս ծավալուն գործընթացը՝ պատերազմի հանգամանքները, չի կարող լիարժեք բացահայտել, ասել է ՀՀ ԱԺ «Հայաստան» խմբակցության ղեկավար Սեյրան Օհանյանը:
«Ի՞նչ է նշանակում՝ Նիկոլ Փաշինյանը հրապարակային քննիչ հանձնաժողովին է մասնակցում և ելույթ է ունենում: Քննիչ հանձնաժողովի կանոնակարգի 6-րդ կետում նշված է, որ քննիչ հանձնաժողովը պետք է փակ և գաղտնի աշխատի:
Ինչու՞ մնացած բոլոր անդամները, որոնք մասնակցել են քննիչ հանձնաժողովին, փակ են ներկայացել, իսկ Նիկոլ Փաշինյանը բաց հրապարակային է խոսում, հերթական մամուլի ասուլիսն է տալիս»,- ասել է նա:
