«Եթե Արցախը չի գնում բանակցությունների Բաքվի հետ, պետք է պատրաստվի ամենավատ սցենարին». Իոաննիսյան

Արցախի իշխանությունները իրենց պահում են մարզային իշխանության նման: «Առաջին լրատվական»-ի հետ զրույցում նշել է ԻՔՄ համակարգող Դանիել Իոաննիսյանը:

Իոաննիսյանը կարծում է, որ եթե Արցախն ուզում է անկախ լինել, պետք է բանակցեն բոլորի հետ. «Եթե Արցախը չի գնում բանակցությունների Բաքվի հետ, ուրեմն պետք է պատրաստվի ամենավատ սցենարին: Արցախի իշխանությունները պետք է ազնիվ խոսեն իրենց ժողովրդի հետ` ինչ լուծում են պատկերացնում: Արցախի իշխանությունները պետք է հասկանան, որ ռուսների վրա հույս դնել պետք չէ: Փաշինյանին ինչքան էլ սիրենք, կամ չսիրենք` ինքը բաց խոսում է հասարակության հետ»: