Ուկրաինական բանակը հրթիռներ է արձակել Ղրիմ տանող ճանապարհի կամուրջների ուղղությամբ
Ռուսաստանի կողմից օկուպացված Խերսոնի շրջանի վարչակազմի ղեկավար Վլադիմիր Սալդոն հայտարարել է, որ ուկրաինական բանակը հրթիռային հարված է հասցրել Սիվաշի ծովածոցով Ղրիմ տանող ճանապարհի կամուրջներին։ Կամուրջները վնասված են, գրում է BBC-ի ռուսական ծառայությունը։
Ինչպես գրել է Սալդոն, հարվածը հասցվել է Չոնգար շրջանի կամուրջներին։
«Կամուրջների վրա վնասվել է ճանապարհի մակերեսը։ Ժողովրդի շրջանում տուժածներ չկան․․․․ Խերսոնի շրջանի և Ղրիմի միջև հաղորդակցությունը շարունակում է գործել. տրանսպորտային միջոցների տեղաշարժը ժամանակավորախես կազմակերպված է պահուստային երթուղու երկայնքով», — գրում է Սալդոն։
Նա ենթադրում է, որ հարվածի պատճառ են դարձել Storm Shadow հրթիռները։
Չոնգարով անցնող ճանապարհն ամենակարճն է Ղրիմից դեպի Մելիտոպոլ և դեպի հարավային ճակատ, որտեղ այժմ ուկրաինական բանակը փորձում է առաջ շարժվել:
Թե կոնկրետ երբ է հասցվել հարվածը, Սալդոն չի հստակեցրել։
