ՏԵՍԱՆՅՈՒԹ. Ուկրաինական բանակը հրթիռներ է արձակել Խերսոնից Ղրիմ տանող կամուրջների ուղղությամբ
Ռուս-ուկրաինական պատերազմի ընթացքում ՌԴ կազմի մեջ ներառված Խերսոնի շրջանի վարչակազմի ղեկավար Վլադիմիր Սալդոն հայտարարել է, որ ուկրաինական բանակը հրթիռային հարված է հասցրել Սիվաշի ծովածոցով Ղրիմ տանող ճանապարհի կամուրջներին։
Ինչպես գրել է Սալդոն, հարվածը հասցվել է Չոնգար շրջանի կամուրջներին։
«Կամուրջները վնասվել են։ Ժողովրդի մեջ տուժածներ չկան, Խերսոնի շրջանի և Ղրիմի միջև հաղորդակցությունը շարունակում է գործել, տրանսպորտային միջոցների երթեւեկությունը հնարավորինս շուտ կվերականգնվի»,- գրում է Սալդոն։
Ըստ նրա` հրթիռային հարվածներ հասցրել են Storm Shadow հրթիռներով:
