«Ես և Զելենսկին սիրում ենք միմյանց, բայց մենք քաղաքականությամբ ենք զբաղվում». Լեհաստանի նախագահ
Լեհաստանի նախագահ Անջեյ Դուդան խոսել է Ուկրաինայի առաջնորդ Վլադիմիր Զելենսկու հետ հարաբերությունների մասին։ Քաղաքական գործիչն ընդգծել է, որ Վարշավայի և Կիևի միջև ջերմ հարաբերություններ են ձևավորվել։
«Նախագահ Զելենսկին և ես սիրում ենք միմյանց, բայց մենք քաղաքականությամբ ենք զբաղվում։ Մենք դժվար քննարկումներ ենք ունենում, բայց միշտ բարեկամական ենք՝ ոչ ոք չի ցանկանում որևէ մեկին վնասել»-, ասել է Դուդան։
Նաև Լեհաստանի նախագահը լրագրողների հետ հանդիպման ժամանակ ասել է, որ իր հիմնական խնդիրն է հյուծել Ռուսաստանի առաջնորդ Վլադիմիր Պուտինին։
Ավելի վաղ Պետդումայի պաշտպանության կոմիտեի անդամ Անդրեյ Գուրուլյովը հայտարարել էր, որ Լեհական զորքերը կարող են հակամարտության մեջ մտնել Ուկրաինայում:
