Բայդենի որդին կարող է ընդունել իր մեղքը հարկային հանցագործությունների մեջ․ The Hill

ԱՄՆ նախագահ Ջո Բայդենի որդին՝ Հանթեր Բայդենը մտադիր է ընդունել իր մեղքը հարկային հանցագործությունների մեջ՝ հետաքննության հետ գործարքի շրջանակներում։ Այս մասին հայտնում է The Hill-ը՝ վկայակոչելով դատական ​​փաստաթղթերը։ 

Նշվում է, որ եթե դատավորն ընդունի այս գործարքը, ապա հավանական է, որ 53-ամյա Հանթեր Բայդենը կխուսափի բանտարկությունից։ 

Բացի այդ, ըստ հրապարակման, Բայդենի որդին առանձին գործարքի մեջ է մտել հետաքննության հետ՝ անօրինական զենք պահելու մեղադրանքով։ 

Մինչդեռ ինքը՝ ամերիկացի առաջնորդը, բազմիցս հանդես է եկել ի պաշտպանություն որդու։ Մասնավորապես, երեքշաբթի Սպիտակ տունը նշել է, որ ԱՄՆ նախագահն ու առաջին տիկինը «սիրում են իրենց որդուն և աջակցում են նրան»։ 

2020 թվականին ամերիկյան լրատվամիջոցները հայտնել էին, որ ԱՄՆ նախկին նախագահ Դոնալդ Թրամփի կողմից նշանակված դատախազ Դեյվիդ Վայսը հետաքննում է Հանթեր Բայդենի հարկերը։ Դատախազները ուսումնասիրում են մի շարք ֆինանսական հարցեր, այդ թվում՝ արդյո՞ք Հանթեր Բայդենը և նրա ենթադրյալ համախոհները խախտել են հարկային և փողերի լվացման մասին օրենքները օտարերկրյա գործընկերների, հիմնականում՝ Չինաստանի հետ բիզնես վարելիս: Բայդեն կրտսերը նույնպես կասկածվում է զենք գնելու հետ կապված կեղծ ցուցմունք տալու մեջ։