«Ռուսաստանը փորձում է վերջ տալ պատերազմին». Պեսկով
Ռուսաստանը փորձում է վերջ տալ Կիևի ռեժիմի կողմից 2014 թվականին սանձազերծած պատերազմին, RT Arabic-ին տված հարցազրույցում ասել է ՌԴ նախագահի խոսնակ Դմիտրի Պեսկովը։ Նա նաև նշել է, որ պետության ղեկավարը պատրաստ է այս հարցի շուրջ ցանկացած շփումների։
Պեսկովի խոսքով՝ այսօր իրականում պատերազմ է ընթանում Մոսկվայի և հավաքական Արևմուտքի միջև։ Ընդ որում, Ուկրաինան ուղղակիորեն չունի ինքնիշխան դիրքորոշում հայտարարելու ո՛չ կամք, ո՛չ ցանկություն, գործողությունների ալգորիթմը թելադրում է Վաշինգտոնը, իսկ երկրի «ինքնիշխանության» հարցը «շատ վերացական հասկացություն է»։
Ավելի վաղ ՌԴ նախագահ Վլադիմիր Պուտինը հիշեցրել էր, որ Ռուսաստանը երբեք չի հրաժարվել Ուկրաինայի հարցով բանակցություններից: Զելենսկին հրամանագիր է ստորագրել դրանք արգելելու մասին։
