Բլինքենն ու Չինաստանի ԱԳ նախարարն առաջին անգամ հանդիպել են խոցված օդապարիկի միջադեպից հետո
ԱՄՆ պետքարտուղար Էնթոնի Բլինքենը և Չինաստանի արտգործնախարարը հանդիպել են Պեկինում:
ԱՄՆ պետքարտուղարը Չինաստանում է երկօրյա այցով, որն ի սկզբանե նախատեսված էր փետրվարին։
Հետո այն չկայացավ ԱՄՆ օդային տարածքում հրթիռով խոցված չինական օդապարիկի հետ կապված միջադեպի պատճառով։
Հիշեցնենք` Միացյալ Նահանգների օդուժը նախագահ Ջո Բայդենի հրամանով փետրվարի 5-ին Հարավային Կարոլինայի մոտակայքում՝ Ատլանտյան օվկիանոսի օդային տարածքում խոցել և ոչնչացրել է չինական օդապարիկը: Ըստ Վաշինգտոնի, այն լրտեսության նպատակով է հայտնվել ԱՄՆ-ի տարածքում:
