Իտալիայում Կիևին զենք մատակարարելու դեմ բողոքի ակցիա է անցկացվել
«Վենետո-Ռուսաստան» ասոցիացիայի և «Վերոնա հանուն ազատության» հասարակական կոմիտեի մի խումբ իտալացի ակտիվիստներ բողոքի ցույց են անցկացրել Ուկրաինային արևմտյան զենք մատակարարելու դեմ։ Այս մասին հայտնում է РИА Новости-ն։
Ակցիան տեղի է ունեցել հին հռոմեական Արենա դի Վերոնայի ամֆիթատրոնի պատերի մոտ։
«Մենք գնացինք՝ ոչ ասելու ՆԱՏՕ-ի մարդասպան քաղաքականությանը և աջակցելու Ռուսաստանին», – ասում է «Վենետո-Ռուսաստան» ասոցիացիայի նախագահ Պալմարինո Զոկատելլին:
Նրա խոսքով՝ ցուցարարների նպատակն է ցույց տալ, որ Իտալիայի ոչ բոլոր բնակիչներն են աջակցում ուկրաինական հակամարտության վերաբերյալ ներկայիս իշխանությունների քաղաքականությանը։ Նա ասել է, որ Ուկրաինա զենք ուղարկելը ծառայում է հակամարտությունը շարունակելուն։
Զոկատելլին կարծում է, որ խնդիրը պետք է լուծվի բանակցությունների միջոցով։
