Հունգարիան Սանկտ Պետերբուրգ մեկնելու համար թռչելու թույլտվություն չի տվել ՀԱՀ նախագահի պատվիրակությանը
Հարավաֆրիկյան Հանրապետության նախագահի անվտանգության ծառայության ավելի քան 100 աշխատակցի և լրագրողների տեղափոխող South African Airways պետական ավիաընկերությանը պատկանող ինքնաթիռը ավելի քան մեկ օր Վարշավայի միջազգային օդանավակայանում արգելափակված մնալուց հետո չի թռչել Սանկտ Պետերբուրգ և վերադարձել է հայրենիք: Այս մասին հայտնել է I witness տեղական ռադիոկայանը։
Ինքնաթիռը Հունգարիայի օդային տարածքով թռչելու թույլտվություն չի ստացել, փոխանցում է աղբյուրը։ Արդյունքում ՀԱՀ նախագահի և լրագրողների անվտանգության ապահովման թիմի մի մասը չի կարողացել մեկնել Սանկտ Պետերբուրգ՝ ՌԴ-ում և Ուկրաինայում աֆրիկյան երկրների խաղաղապահ առաքելության շրջանակներում:
Աֆրիկյան վեց երկրների ղեկավարներ ժամանել են Սանկտ Պետերբուրգ՝ հանդիպելու Ռուսաստանի նախագահ Վլադիմիր Պուտինի հետ: Այս մասին Սանկտ Պետերբուրգի միջազգային տնտեսական համաժողովի ամփոփիչ մամուլի ասուլիսի ժամանակ լրագրողներին հայտնել է ՌԴ նախագահի խորհրդական, համաժողովի նախապատրաստման կազմկոմիտեի պատասխանատու քարտուղար Անտոն Կոբյակովը:
