ՏԵՍԱՆՅՈՒԹ. Պրիգոժինը մահացած վարձկանի ընտանիքին նվիրել է իր ընկերության մեքենան, որի վրա շուրջ 500 տուգանք է եղել

«Վագտներ»-ի հիմնադիր Եվգենի Պրիգոժինը մահացած վարձկանի ընտանիքին ավտոմեքենա է նվիրել։ Ինչպես պարզել է «Холод» լրատվականը, մեքենայի վրա կա 470 տուգանք, որոնց մեծ մասը՝ արագությունը գերազանցելու համար։

Հունիսի 14-ի երեկոյան Պրիգոժինի մամուլի ծառայությունը հրապարակել է տեսանյութ, որում Վագներ ՊՄԿ-ի հիմնադիրը Վլադիմիրի շրջանում ընտանիքի հետ կանգնած է մահացած վարձկանի գերեզմանի մոտ։ 

Նա հարցրել է հանգուցյալի կնոջը, թե արդյոք նա օգնության կարիք ունի։ Կինը պատասխանել է, որ  մեքենան պետք է վերանորոգի։ Ի պատասխան Պրիգոժինն ասել է, որ կթողնի այն մեքենան, որով ժամանել է։

Լրագրողները պարզել են, որ 2022 թվականի օգոստոսի 22-ից մինչև 2023 թվականի մարտի 15-ն ընկած ժամանակահատվածում այս մեքենայի վրա 470 տուգանք է եղել՝ ավելի քան 400 հազար ռուբլու չափով։ Տուգանքների մեծ մասը (340) նշանակվել է արագության գերազանցման համար։ Միայն դեկտեմբերին մեքենայի վարորդը վաստակել է 89 տուգանք, հունվարին՝ 95։