Փաշինյանի աշխատավայրը կրկին վերանորոգվում է. «Հրապարակ»
Վարչապետի աշխատակազմը կրկին վերանորոգում է աշխատակազմի շենքը։ Այս մասին գրում է «Հրապարակ» օրաթերթը:
«Այդ նպատակի համար արդեն իսկ 36 մլն 384 հազար դրամ է հատկացվել, որը փոխանցվել է «Շին բարեկարգում» ՍՊԸ-ին։ Դեռևս 2019 թվականին 124.5 մլն դրամ էր հատկացվել կառավարության շենքի վերանորոգման համար, 2022 թվականի նոյեմբերին՝ ընդամենը 6 ամիս առաջ, 38 մլն 790 հազար էր հատկացվել վարչապետի աշխատակազմի վարչական շենքի վերանորոգման համար, բացի այդ էլ նոր վերելակներ ու թանկարժեք գորգեր էին գնվել։
Փաստորեն ամեն տարի վարչապետի աշխատակազմի շենքը վերանորոգում են։ Այս անգամ էլ դռներն ու պատերը, հատակն են փոխում»,- գրել է օրաթերթը:
