Իրանը տարածաշրջանի անվտանգության կառուցվածքին սպառնացող երկիր է. Իսրայելի նախագահ
Պաշտոնական այցով Ադրբեջանում գտնվող Իսրայելի նախագահ Յիցհակ Հերցոգը հայտարարել է, որ տարածաշրջանի անվտանգության համար վտանգ ներկայացնող երկիրը Իրանն է: Այս մասին հայտնում են ադրբեջանական լրատվամիջոցները։
«Այդ կապակցությամբ մենք ծավալուն քննարկումներ ենք անցկացրել»,- ասել է Իսրայելի նախագահը՝ Ադրբեջանի նախագահ Իլհամ Ալիևի հետ հանդիպումից հետո հրավիրված մամուլի ասուլիսի ժամանակ:
Նշենք, որ Իսրայելի նախագահ Յիցհակ Հերցոգը մայիսի 30-ին պաշտոնական այցով ժամանել է Ադրբեջան:
