Ղազախստանն արձագանքել է ԱՄՆ ֆինանսական պատժամիջոցների զգուշացմանը

Ղազախստանի ֆինանսական շուկայի կարգավորման և զարգացման գործակալության նախագահ Մադինա Աբիլկասիմովան լրագրողների հետ զրույցում անդրադարձել է ԱՄՆ ֆինանսական պատժամիջոցների թիրախում հայտնվելու հարցին:

«Մենք ձեռնարկում ենք բոլոր անհրաժեշտ միջոցները, որպեսզի խուսափենք Ղազախստանի ֆինանսական հատվածի նկատմամբ երկրորդական պատժամիջոցների կիրառման վտանգից: Դա չափազանց կարևոր է: Մենք լիովին համապատասխանում ենք կարգավորողների կողմից սահմանված պահանջներին, ինչպես նաև մեր բանկերի համար համապատասխան արտաքին թղթակից բանկերի պահանջներին»,- նշել է Աբիլկասիմովան: 

Ավելի վաղ հայտնել էինք, որ կիրառվող սահմանափակումները շրջանցելու հարցում Ռուսաստանի հետ համագործակցելու համար ներկայումս մեծանում է ղազախական բանկերի և ընկերությունների դեմ երկրորդային պատժամիջոցներ կիրառելու ռիսկը: