Զելենսկին ստորագրել է Ուկրաինայի քաղաքացիության քննության մասին օրինագիծը
Ուկրաինայի նախագահ Վլադիմիր Զելենսկին ստորագրել է օրինագիծ, որով Ուկրաինայի Սահմանադրության, պատմության և պետական լեզվի իմացության պարտադիր քննություն է սահմանվում քաղաքացիություն ստանալու համար։
РИА Новости-ի փոխանցմամբ՝ Գերագույն Ռադայի կայքում համապատասխան օրինագծի կարգավիճակը վկայում է այն մասին, որ այն ստորագրել է պետության ղեկավարը։
Մարտի վերջին օրինագիծն ընդունվել է Ուկրաինայի խորհրդարանի կողմից։
Ավելի վաղ Ուկրաինայի փոխվարչապետ Իրինա Վերեշչուկը թույլատրել էր լեհերենը ներառել բուհ ընդունվելու քննությունների ցանկում։
