Կիևին ռազմական աջակցության հարցերով հանդիպումը Ռամշտայնում մեկնարկել է

Մեկնարկել է Ուկրաինայի պաշտպանության աջակցության կոնտակտային խմբի չորրորդ հանդիպումը։ Այս մասին հայտնում է ԱՄՆ ՊՆ-ն։ Բացման խոսքով հանդես է եկել Պենտագոնի ղեկավար Լլոյդ Օսթինը։ Հանդիպմանը պաշտպանական գերատեսչությունների ղեկավարները մասնակցում են առցանց։ Հանդիպումն ընթանում է «Ռամշտայնում»։

Նիստի մեկնարկից առաջ բանակցություններ են վարել Ուկրաինայի և ԱՄՆ-ի պաշտպանության նախարարները։ 

Ռամշտայնի ձևաչափով հանդիպմանը մասնակցում է նաև ՆԱՏՕ-ի գլխավոր քարտուղար Յենս Ստոլտենբերգը, ով նախօրեին այցելել էր Կիև:

Ստոլտենբերգի խոսքով՝ դաշինքի «բոլոր անդամները կողմ են, որ Ուկրաինան ընդգրկվի ՆԱՏՕ-ի կազմում»։ Հյուսաստլանտյան դաշինքի ղեկավարը, սակայն, խուսափել է հստակեցնել՝ արդյոք կոնկրետ քայլեր կձեռնարկվեն ՆԱՏՕ-ի առաջիկա գագաթնաժողովում՝ հուլիսին, Կիևի անդամակցության հարցով: Ստոլտենբերգը նշել է, որ այժմ գլխավոր անելիքը Պուտինի բանակի դեմ պատերազմում Կիևին աջակցելն է