Ալիևը խոսել է ՀՀ-ում իրենց դրոշի այրման մասին

Ադրբեջանի նախագահ Իլհամ Ալիևի պնդմամբ՝ Երևանում ծանրամարտի Եվրոպայի առաջնության բացմանն իր երկրի դրոշի այրման հետևում կանգնած են Հայաստանի իշխանությունները:

«Ես կարծում եմ, որ Երևանում ընթացող ծանրամարտի Եվրոպայի առաջնությունում Ադրբեջանի դրոշի այրումը Հայաստանի իշխանության հերթական կեղտոտ արարքն է։ Ես դա ընդունում եմ այդպես: Սա պատահականություն չէ և մեկ մարդու գործ չէ։ Սա Հայաստանի իշխանության հերթական կեղտոտ գործողությունն է: Շատ պատճառներ կան դա ասելու համար», - երեկ հայտարարել է Ալիևը պետական AzTV հեռուստաալիքին տված հարցազրույցում:

Նրա խոսքով՝ եթե Հայաստանի քաղաքական ղեկավարության աչքի առաջ նման իրադարձություն է տեղի ունենում, և նրանց կողմից արձագանք չկա, ապա «արարքի հեղինակն իշխանությունն է և ինքը՝ պետությունը»։

Ապրիլի 14-ին Երևանում ծանրամարտի Եվրոպայի առաջնության բացման արարողության ժամանակ հայտնի դիզայներ Արամ Նիկոլկանն այրեց Ադրբեջանի դրոշը, ինչի հետևանքով այդ երկրի հավաքականը լքեց առաջնությունը: 

Նշենք, որ դեպքին նախորդել էր Տեղ համայնքում ադրբեջանցիների ստոր սադրանքը, որի հետևանքով հայ 4 զինծառայող էր զոհվել։ Կապանում էլ ՀՀ ներթափանցած ադրբեջանցիներից մեկն է սպանել է ԶՊՄԿ-ի պահնորդին։