«Դա կհանգեցնի Հայֆայի և Թել Ավիվի կործանմանը»․ Ռաիսին սպառնացել է Իսրայելին
Իսրայելի ամենափոքր գործողությունը, որը սպառնում է Իրանի անվտանգությանը, կհանգեցնի Հայֆայի և Թել Ավիվի կործանմանը։ Այս սպառնալիքով է հանդես եկել Իրանի նախագահ Իբրահիմ Ռաիսին Թեհրանում ազգային բանակի օրվան նվիրված զորահանդեսի ժամանակ ունեցած ելույթի ժամանակ:
Նրա խոսքով՝ իրանական բանակը «հզոր պատնեշ է հակահեղափոխական տարրերի և թշնամիների դեմ»:
«Օտարերկրյա ուժերի, հատկապես ԱՄՆ-ի ներկայությունը Մերձավոր Արեւելքում անկայունություն է առաջացնում։ Այդ ուժերը պետք է որքան հնարավոր է շուտ լքեն տարածաշրջանը։ Մինչդեռ Իրանի զինված ուժերը տարածաշրջանում անվտանգության գործոն են», - ասել է Ռաիսին:
