Ադրբեջանի բանակում խնդիրնե՞ր կան․ Ալիևը պաշտոնանկ է արել զորակոչային ծառայության պետին
Ադրբեջանի նախագահ Իլհամ Ալիևն այսօր պաշտոնանկ է արել Զորահավաքային և ժամկետային զինծառայության զորակոչի պետական ծառայության ղեկավար Արզու Ռահիմովին։
Նա այս պաշտոնը զբաղեցնում էր 2012 թվականի փետրվարից։
Ռահիմովի փոխարեն այս պաշտոնում նշանակվել է Մուրսալ Իբրահիմովը։
«Թուրան» գործակալության փոխանցմամբ, նորանշանակ պաշտոնյայի մասին բաց աղբյուրներում տեղեկություններ գրեթե չկան։
«Հայտնի է միայն, որ 2015 թվականին նույն տվյալներով մի մարդու անուն ընդգրկված է եղել Պետանվտանգության ծառայության՝ պետական պարգևների արժանացած աշխատակիցների ցանկում», - հաղորդում է «Թուրանը»։
