Ֆինլանդիան սկսել է Ռուսաստանի հետ սահմանին պարսպի կառուցումը
Ֆինլանդիայում սկսվել են Ռուսաստանի հետ սահմանին 75 կիլոմետրանոց պարսպի կառուցման նախապատրաստման աշխատանքները։ Այս մասին հայտնում է Интерфакс-ը՝ հղում անելով հանրապետության սահմանապահ ծառայությանը։
Նախ այնտեղ ծառեր կհատվեն, իսկ մինչև 2025 թվականի վերջ կկառուցեն պարիսպը և հատուկ կառավարման համակարգեր։
Սահմանապահ ծառայության շտաբի խոսնակ Յարի Տոլպանենն ասել է, որ պատի փորձարկումները «ցուցադրել են շինարարության իրատեսական ժամանակացույցը»:
Նա հավելել է, որ սահմանային պարսպի մեծ մասն անցնելու է երկրի հարավ-արևելքով, որտեղ պահպանվում է «լայնածավալ անօրինական ներգաղթի» վտանգը։
