Քաղաքականություն

Խոր մտահոգություն ենք հայտնում Տեղ բնակավայրի մոտ տեղի ունեցած բռնության կապակցությամբ. Ֆրանսիայի ԱԳՆ

Խոր մտահոգություն ենք հայտնում Տեղ բնակավայրի մոտ տեղի ունեցած բռնության կապակցությամբ. Ֆրանսիայի ԱԳՆ
Ֆրանսիայի ԱԳՆ-ն հանդես է եկել հայտարարությամբ՝ Հայաստանի Հանրապետության Տեղ գյուղի վրա ադրբեջանական կողմի զինված հարձակման առնչությամբ: «Ֆրանսիան խորը մտահոգություն է հայտնում ապրիլի 11-ին Հայաստանի…

Ֆրանսիայի ԱԳՆ-ն հանդես է եկել հայտարարությամբ՝ Հայաստանի Հանրապետության Տեղ գյուղի վրա ադրբեջանական կողմի զինված հարձակման առնչությամբ:

 

«Ֆրանսիան խորը մտահոգություն է հայտնում ապրիլի 11-ին Հայաստանի և Ադրբեջանի սահմանին՝ Հայաստանի Տեղ բնակավայրի շրջանում տեղի ունեցած բռնությունների կապակցությամբ, որի հետևանքով երկու կողմից էլ կան զոհեր և վիրավորներ։ Սա հիշեցում է, որ սահմանագծումը պետք է իրականացվի բացառապես բանակցությունների միջոցով, և մենք կողմերին կոչ ենք անում շարունակել ջանքերն այդ ուղղությամբ։

 

Հայաստանի տարածքային ամբողջականության հարգումը և շփման գծի հայկական կողմի գրավյալ դիրքերից ադրբեջանական ուժերի դուրսբերումն անհրաժեշտ են ապագա միջադեպերը կանխելու և տարածաշրջանում կայուն խաղաղության հիմքերը պահպանելու համար: Ֆրանսիան լիովին աջակցում է սահմանի հայկական կողմում տեղակայված ԵՄ դիտորդական առաքելության գործունեությանը:

 

Առաքելությունը կշարունակի աշխատել Եվրամիության հետ միասին՝ ի նպաստ հրադադարի, երկխոսության և Հայաստանի ու Ադրբեջանի միջև բանակցությունների շարունակման»,- նշվում  է Ֆրանսիայի ԱԳՆ հայտարարության մեջ։

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (8024) Միջազգային (3535) ԱՄՆ (2369) Ռուսաստան (2250) Իրան (1786) Ընտրություններ (1284) Ուկրաինա (911) Երևան (821) Իսրայել (766) Ադրբեջան (677) Փաշինյան (582) Եվրոպա (529) Ազգային ժողով (486) Ընդդիմություն (480) Թրամփ (453)

Radio Aurora

Լսել Radio Aurora

Գովազդային տարածք

300x250