ԱՄՆ-ի նոր պատժամիջոցների տակ են հայտնվել 120 կազմակերպություններ՝ ավելի քան 20 երկրներից

ԱՄՆ-ի իշխանությունները պատժամիջոցների ցուցակում ներառել են ավելի քան 120 կազմակերպությունների և անհատների ավելի քան 20 երկրներից՝ կապված Ուկրաինայում Ռուսաստանի գործողությունների հետ, ասել է ԱՄՆ պետքարտուղար Էնթոնի Բլինքենը։ 

«Այսօր Պետդեպարտամենտը և ֆինանսների նախարարությունը պատժամիջոցներ են կիրառում ավելի քան 120 ընկերությունների և անհատների նկատմամբ՝ ավելի քան 20 երկրներից և իրավասություններից», - նշվում է ԱՄՆ պետքարտուղարի հայտարարության մեջ։ 

Հաղորդվում է, որ պատժամիջոցների տակ են հայտնվել, մասնավորապես, նրանք, ովքեր «նպաստում են պատժամիջոցների շրջանցմանը»։ 

Պատժամիջոցների ցուցակում ընդգրկվել են մի շարք ռուսական իրավաբանական անձինք, այդ թվում՝ «Յունարմիա» համառուսաստանյան ռազմահայրենասիրական հասարակական շարժումը, ինչպես նաև «Կրիմպատրիոտցենտրը»: 

Բացի այդ, պատժամիջոցներ են սահմանվել չինական HEAD Aerospace Technology ընկերության դեմ, որը, ինչպես նշել են Պետդեպում, «Ուկրաինայի տարածքների արբանյակային պատկերները փոխանցել է «Վագների» և այս ընկերության հիմնադիր Եվգենի Պրիգոժինի հետ կապված ընկերություններին»։ 

Բացի այդ, ըստ տեղեկությունների, պատժամիջոցներ են սահմանվել Ալիշեր Ուսմանովի խմբի ընկերությունների և նրա USM գործընկերների (ներառյալ նրա ռուսական հոլդինգային կառույցի) դեմ։ Դրանց թվում են Metalloinvest-ը, Megafon-ը։ Պետդեպարտամենտը նշել է, որ այս սահմանափակող միջոցներն ուղղված են պատժամիջոցների շրջանցումը կանխելուն։ 

Միացյալ Նահանգները պատժամիջոցների ցանկում ներառել է ռուսական Միջազգային ներդրումային բանկը (IIB): SND List-ում ներառվել են նաև բանկի ղեկավար Նիկոլայ Կոսովը և բանկի խորհրդի փոխնախագահներ Գեորգի Նուգզարովիչը և Իմրե Լասլոցկին։ 

ԱՄՆ նոր պատժամիջոցների համաձայն՝ ՌԴ փոխվարչապետ Մարատ Խուսնուլլինը և տրանսպորտի նախկին նախարար և Պետական ​​տրանսպորտային լիզինգային ընկերության (GTLK) գործադիր տնօրեն Եվգենի Դիտրիխը հայտնվել են ԱՄՆ նոր պատժամիջոցների տակ։