Բայդենը չեղարկել է Covid19-ի պատճառով մտցված արտակարգ դրությունը
Ամերիկայի Միացյալ Նահանգներում չեղարկվել է արտակարգ դրությունը, որը սահմանվել էր կորոնավիրուսային համավարակի պատճառով։ Համապատասխան հրամանագիրը ստորագրել է ԱՄՆ նախագահ Ջո Բայդենը։
«Նախագահը ստորագրել է օրենսդրություն, որը վերացնում է արտակարգ դրությունը՝ կապված CoViD-19 համավարակի հետ»,- նշվում է Սպիտակ տան հայտարարության մեջ։
Հիշեցնենք, որ արտակարգ դրությունը Միացյալ Նահանգներում մտցվել է 2020 թվականի հունվարի 31-ին՝ որպես տարբեր սահմանափակող միջոցառումների իրավական հիմք և ավարտվել է ապրիլի 11-ին։ Սպիտակ տունն ավելի վաղ Կոնգրեսին տեղեկացրել էր այն ևս մեկ ամսով երկարաձգելու և այնուհետև չեղարկելու մտադրության մասին։ Սակայն օրենսդիրները հավանություն են տվել արտակարգ դրության անհապաղ դադարեցման օրինագծի օգտին, որը ստորագրել է Բայդենը:
