Ով է Փաշինյանի ուղղությամբ անձրևանոց նետած կինը
Վայոց Ձոր կատարած այցելության ժամանակ վարչապետ Նիկոլ Փաշինյանի ուղղությամբ անձրևանոց նետած կինը Բերձորից տեղահանված է։ Այս մասին News.am-ին հայտնել է Մալիշկայի գյուղապետ Գարիկ Նազարյանը՝ հավելելով, որ կինն իրենց գյուղում վարձով է ապրում։
«Մալիշկան մեծ գյուղ է, Բերձորից շատ ընտանիքներ են ապրում, ես չեմ կարող ասել, թե ով է եղել»,- ասել է գյուղապետը։
Նա պատմել է, որ այցի ընթացքում նա եղել է Փաշինյանի կողքին, և այդ միջադեպը չի նկատել։
Ինչպես ավելի ուշ հայտնել է Քննչական կոմիտեն՝ Փաշինյանի ուղղությամբ անձրևանոց նետած կինը ձերբակալվել է։
