Մհեր Սահակյանի մոտ կոտրված մկրատ է հայտնաբերվել

ԱԺ պետաիրավական հարցերի մշտական հանձնաժողովում Վլադիմիր Վարդանյանի հետ միջադեպից հետո ձերբակալված «Հայաստան» խմբակցության պատգամավոր Մհեր Սահակյանի մոտ խուզարկությամբ հայտնաբերվել է կոտրված մկրատ։ Այս մասին գրում  է Radar Armenia-ն: 

Լրատվամիջոցը քրեական գործով տրված ցուցմունքներից տեղեկացել է՝ «Հայաստան» խմբակցության պատգամավորները պատմել են, որ մկրատը կոտրել է Մհեր Սահակյանը՝ միջադեպից հետո իրենց հետ զրուցելու ժամանակ լարված ու նյարդային շարժումներ անելիս։

«Հայտնի դարձավ նաև, որ Մհեր Սահակյանը հրաժարվել է թմրամիջոցների, հոգեմետ նյութերի և ալկոհոլի առկայությունը պարզելու նպատակով նշանակված դատաքիմիական փորձաքննությունից»։

Հիշեցնենք, որ 2023թ. մարտի 31-ին Ազգային ժողովի պետական-իրավական հարցերի մշտական հանձնաժողովի աշխատանքային փակ քննարկման ավարտին, որին մասնակցում էին բացառապես պատգամավորներ և Հայաստանի միջազգային իրավական հարցերով ներկայացուցիչը, տեղի է ունեցել անցանկալի միջադեպ: