Իրանի ԱԳՆ-ն՝ Բաքվից իրանցի դիվանագետների արտաքսման մասին
Իրանը կարծում է, որ ադրբեջանական կողմի գործողությունները Բաքվի կողմից պերսոնա նոն գրատա հայտարարված իրանցի դիվանագետների նկատմամբ հակասում են բարիդրացիության սկզբունքներին։ Այս մասին ուրբաթ հայտարարել է Իսլամական Հանրապետության արտաքին գործերի նախարարության պաշտոնական ներկայացուցիչ Նասեր Քանանի Չաֆին։
«Ադրբեջանի Հանրապետության կառավարության այս պահվածքը, մենք համարում ենք, հակասում է բարիդրացիության սկզբունքներին», - նշվում է հաղորդագրության մեջ։
Իրանի ԱԳՆ ներկայացուցիչը կոչ է արել Բաքվին «փոխադարձ հարգանք ցուցաբերել, շարժվել դեպի բարիդրացիություն», ինչպես նաև «հեռու մնալ» «տարածաշրջանի թշնամիներից», այդ թվում՝ Իսրայելի «սիոնիստներից»։
Ապրիլի 6-ին Ադրբեջանի ԱԳՆ-ն հայտարարեց, որ Բաքվում Իրանի դեսպանատան չորս աշխատակիցներ հայտարարվել են պերսոնա նոն գրատա, նրանց հանձնարարվել է 48 ժամվա ընթացքում լքել Ադրբեջանի տարածքը։ Իրանի դեսպանին արտահայտվել է «վճռական դժգոհություն Ադրբեջանի դեմ իր երկրի վերջին սադրիչ գործողությունների կապակցությամբ»։
Բաքվի և Թեհրանի հարաբերությունները հատկապես սրվել են այս տարվա հունվարին Իրանում Ադրբեջանի դեսպանատան վրա տեղի ունեցած զինված հարձակումից հետո, որի հետևանքով զոհվել է դիվանագիտական առաքելության անվտանգության պետը, և վիրավորվել նրա երկու գործընկերները։ Դեպքից հետո դեսպանատունը դադարեցրեց դիվանագիտական գործունեությունը, իսկ աշխատակիցներն ու նրանց ընտանիքները տարհանվեցին Ադրբեջան։
Բաքուն նաև ոչ բարեկամական քայլ է համարում վերջերս Թեհրանի կողմից Ադրբեջանի հետ սահմանին կազմակերպված լայնածավալ զորավարժությունները։ Բացի այդ, Բաքուն հայտարարեց մարտի վերջին Ադրբեջանի խորհրդարանի պատգամավոր Ֆազիլ Մուստաֆայի դեմ իրականացված մահափորձին Իրանի մասնակցության մասին։ Անցած ամիսների ընթացքում Ադրբեջանի իրավապահ մարմինները մի շարք գործողություններ են իրականացրել՝ երկրում հօգուտ Իրանի լրտեսության և դիվերսիոն գործունեության մեջ մեղադրվող անձանց ձերբակալման ուղղությամբ։
