ՏԵՍԱՆՅՈՒԹ. «Դադարեցնում ենք լոբի-բրինձ տրամաբանությունը». Նիկոլ Փաշինյան
ՀՀ վարչապետ Նիկոլ Փաշինյանը կառավարության նիստում անդրադարձել է բարեգործությանը։ Նրա կարծիքով՝ պետք է դադարեցնել պետական ձեռնարկությունները բարեգործության օբյեկտի վերածելու պրակտիկան: Նա նշեց, որ միաժամանակ կան մարդիկ, որոնք ուզում են բարեգործություն անել.
Փաշինյանը հայտարարեց, թե արգելում է պետական որևէ հիմնարկության՝ որևէ բարեգործություն ընդունել.
«Էդ բրինձ-լոբի տրամաբանությունը դադարեցնել ընդհանրապես։ Ով ուզում է անել բարեգործություն, թող մասնակցի կառավարության ռազմավարական ծրագրերի իրականացմանը։ Թող դիմեն նախարարություն, և նախարարությունը կասի՝ որտեղ կարող են ֆինանսներն ուղղել, որովհետև հատուկ բարեգործական աթոռներ կան, որ նկարում են, հենց ռեպորտաժը վերջանում է, կոտրվում է աթոռը»։
Նա զգուշացրեց, որ այդ հանձնարարականից դուրս եկողները խիստ կպատժվեն.
«Որևէ պետական հիմնարկում չտեսնեմ, որ մեկը լոբի է տվել, մեկը բրինձ է տվել, մեկն էլ Լեոնարդո դա Վինչիի օրիգինալ նկարը բերել, ուսուցչանոցում կախել է»։
Մանրամասները` տեսանյութում:
