ՏԵՍԱՆՅՈՒԹ. «Դավաճանեցի՛ք ՔՊ-ն», «Դավաճանը դո՛ւք եք». նիստում իրավիճակը թեժ է

ՄԻ հանձնաժողովի նիստի ժամանակ վիճաբանություն տեղի ունեցավ ՔՊ-ական պատգամավոր Արթուր Հովհաննիսյանի, ՄԻՊ թեկնածու Էդգար Ղազարյանի և հանձնաժողովի նախագահ Թագուհի Թովմասյանի միջև, երբ ընդդիմադիր ուժերի թեկնածու Էդգար Ղազայանին ելույթի խոսք տրվեց, և վերջինս ելույթի մեկնարկին իշխանությանը բնորոշեց որպես «հանցավոր ռեժիմ»։

Թովմասյանը ներկայացրեց Էդգար Ղազարյանի կենսագրությունը, որից հետո ՔՊ–ական Գևորգ Պապոյանը հետաքրքրվեց, թե ո՞վ է գրել Ղազարյանի ինքնակենսագրականի տեքստը` հավելելով, թե այն նարցիզմով տառապող մարդու տեքստ էր։

Թովմասյանը հայտնեց, որ Էդգար Ղազարյանն ինքն է գրել կենսագրականի տեքստը։

Էդգար Ղազարյանն ինչ–որ ռեպլիկ թողեց, որը չլսվեց, և դրանից հետո հանձնաժողովի ՔՊ–ական անդամ Արթուր Հովհաննիսյանը Թագուհի Թովմասյանից պահանջեց ապահովել նիստի բնականոն ընթացքը։

Հիշեցնենք, որ ընդդիմադիր «Պատիվ ունեմ» և «Հայաստան» խմբակցություններն առաջադրել են Սահմանադրական դատարանի աշխատակազմի նախկին ղեկավար Էդգար Ղազարյանի։ իշխանական «Քաղաքացիական պայմանագիր»–ը` հանրապետության գլխավոր դատախազի տեղակալ Անահիտ Մանասյանի թեկնածությունը։