«Մոսկվան Մինսկին է հանձնել «Իսկանդեր-Մ» հրթիռային համակարգ, որն ունակ է օգտագործել միջուկային հրթիռներ». Շոյգու

Ռուսաստանը Բելառուսի զինված ուժերին է փոխանցել «Իսկանդեր-Մ» օպերատիվ-մարտավարական հրթիռային համակարգը: Այս մասին ապրիլի 4-ին ՊՆ-ում կայացած կոնֆերանսի ժամանակ հայտարարել է ՌԴ պաշտպանության նախարար բանակի գեներալ Սերգեյ Շոյգուն։ Տեղեկատվությունը փոխանցում է regnum.ru-ն:

Նա հիշեցրել է, որ հրթիռային համակարգը ունակ է օգտագործել միջուկային հրթիռներ։

«Բելառուսի զինված ուժերին է փոխանցվել «Իսկանդեր-Մ» օպերատիվ-մարտավարական հրթիռային համակարգը։ Այն կարող է օգտագործել ինչպես սովորական, այնպես էլ միջուկային հրթիռներ»,- ասել է պաշտպանության գերատեսչության ղեկավարը։

Նա նաև հավելել է, որ ապրիլի 3-ից ռուսական զորավարժարաններից մեկում սկսվել է բելառուսական անձնակազմի ուսուցումը միութենական պետության պաշտպանության համար OTRK-ի օգտագործման կարգի վերաբերյալ։

Հիշեցնենք` մարտին Մոսկվան և Մինսկը պայմանավորվել են մարտավարական միջուկային զենք տեղադրել Բելառուսի տարածքում։ Ինչպես հայտարարել է Ռուսաստանի Դաշնության նախագահ Վլադիմիր Պուտինը, Ռուսաստանը Բելառուսին է փոխանցել միջուկային արկ կրելու ունակ 9K720 Իսկանդեր հրթիռային համակարգը։ Պուտինի խոսքով՝ միջուկային զենքը կտեղակայվի համապատասխան միջազգային պարտավորությունների շրջանակներում։