Ալեն Սիմոնյանը հայտնեց` ինչու է ջնջել Աշոտ Փաշինյանի վերաբերյալ գրառումը

Աժ նախագահ Ալեն Սիմոնյանին լրագրողները հարց ուղղեցին այն մասին՝ արդյոք ինքը ստել է Աշոտ Փաշինյանի հետ կապված միջադեպի հետ կապված, ինչին Սիմոնյանը ասել է. 

«Ո՛չ, նման բան չի նշանակում, ես որևիցե որակում չեմ տալու, իմ քաղաքական գնահատականը նույնն է մնում»։

Հարցին՝ ինչու է ջնջել գրառումը, Սիմոնյանը պատասխանել է․

«Որովհետև չեմ ուզում, որ ինձ մոտ լինի  բան, որը իրականության հետ խնդիր ունի, դա չճշտված բան չէ, գնահատականն է, որը, կարծում եմ, տարբեր է։ Չեմ մեկնաբանում դա, ուրախ եմ, որ ամեն ինչ լավ է»։

Հիշեցնենք՝  Ազգային ժողովի նախագահ Ալեն Սիմոնյանը ֆեյսբուքյան իր էջում գրել էր, որ  հարձակման է ենթարկվել Աշոտ Փաշինյանը։ Սիմոնյանի խոսքով` դա կազմակերպված սադրանքների շարք է, որի հետքերը տանում են նաև մեր երկրի սահմաններից դուրս։ Նա վստահություն էր հայտնել, որ արարքի իրավական և քաղաքական արձագանքը չի ուշանալու։

Այդ գրառումը Ալեն Սիմոնյանը հեռացրել է իր ֆեյսբուքյան էջից: