Ռուսաստանը պատրաստ է կազմակերպել Լավրովի և Բլինքենի հանդիպումը ՄԱԿ-ում․ Նեբենզյա
ՄԱԿ-ում ՌԴ դեսպան Վասիլի Նեբենզյան հայտարարել է, որ Ռուսաստանը պատրաստ է ապրիլի 24-25-ը ՌԴ արտգործնախարարի՝ ՄԱԿ-ի կենտրոնակայան այցի ժամանակ կազմակերպել ՌԴ ԱԳ նախարար Սերգեյ Լավրովի և ԱՄՆ պետքարտուղար Էնթոնի Բլինքենի հանդիպումը։ Այս մասին նա հայտարարել է մամուլի ասուլիսում, փոխանցում է ТАСС-ը։
«Կարծում եմ, որ եթե նման հանդիպում պահանջվի, նախարարը պատրաստ կլինի հանդիպել պետքարտուղարի հետ»,- ասել է նա։
Ավելի վաղ ՌԴ ԱԳՆ կայքը տեղեկացրել էր, որ ԱՄՆ պետքարտուղար Էնթոնի Բլինքենի նախաձեռնությամբ կայացել է ՌԴ ԱԳ նախարար Սերգեյ Լավրովի հետ հեռախոսազրույց։ Նշվում է, որ քաղաքական գործիչները քննարկել են ամերիկյան The Wall Street Journal թերթի լրագրող Էվան Գերշկովիչի ձերբակալությունը Ռուսաստանում։
The Wall Street Journal-ը պահանջել է ազատ արձակել իր թղթակից Էվան Գերշկովիչին, ով ձերբակալվել է Ռուսաստանում՝ լրտեսության կասկածանքով։
Հրատարակությունը նշում է, որ Գերշկովիչի ձերբակալությունը նրա հասցեին «դաժան վիրավորանք» է համարում։ Նշվում է նաեւ, որ Գերշկովիչը շատ է «սիրում» Ռուսաստանը։
