Թրամփը դիմել է կողմնակիցներին՝ իր դեմ ուղղված մեղադրանքների առնչությամբ
ԱՄՆ նախկին նախագահ Դոնալդ Թրամփը, ում դեմ պաշտոնական մեղադրանքներ են նախապատրաստվում, դիմել է իր կողմնակիցներին։ Համապատասխան գրառումը երկրի նախկին ղեկավարը հրապարակել է սեփական Truth Social սոցիալական ցանցում։
«Նրանք ոչ թե ինձ համար են գալիս, այլ ձեզ համար, ես պարզապես կանգնեցի նրանց ճանապարհին»,- գրել է քաղաքական գործիչը։
Ավելի վաղ հայտնի էր դարձել, որ երդվյալ ատենակալները Թրամփին մեղադրում են խարդախության 30 կետով։ Միացյալ Նահանգների նախկին նախագահի փաստաբանը հայտնել է, որ քաղաքական գործիչը, ամենայն հավանականությամբ, ապրիլի 4-ին կներկայանա Մանհեթենի Նյու Յորք նահանգի Գերագույն դատարան:
Փաստաբանը նաեւ նշել է, որ Սպիտակ տան նախկին ղեկավարը չի թաքնվի Ֆլորիդայի Մար-ա-Լագոյում գտնվող իր կալվածքում՝ իր դեմ իրականացվող քննչական գործողությունների ֆոնին։
Մարտի կեսերին Թրամփը զգուշացրել էր, որ իրեն կարող է կալանավորել Մանհեթենի շրջանային դատախազությունը։ Լրատվամիջոցները կարծում են, որ միլիարդատիրոջը կարող են կալանավորել պոռնոդերասանուհի Սթորմի Դենիելսին կաշառք տալու պատճառով։ Թրամփն իբր իր փաստաբանի միջոցով 2016 թվականի նախագահական մրցարշավի վերջին օրերին նրան 130 հազար դոլար է վճարել լռության համար։
