Ռուսաստանի ԱԳ փոխնախարարն ու Ադրբեջանի դեսպանը քննարկել են հայ-ադրբեջանական հարաբերությունները
Այսօր Ռուսաստանի փոխարտգործնախարար Միխայիլ Գալուզինը հանդիպում է ունեցել ՌԴ-ում Ադրբեջանի արտակարգ և լիազոր դեսպան Փոլադ Բյուլբյուլօղլուի հետ։ Այս մասին հայտնել է ՌԴ ԱԳՆ-ն։
Նշվում է, որ հանդիպման ընթացքում, ի թիվս այլ հարցերի, քննարկվել են տարածաշրջանային մի շարք արդիական խնդիրներ, այդ թվում՝ Ռուսաստանի, Ադրբեջանի և Հայաստանի ղեկավարների միջև եռակողմ պայմանավորվածությունների համաձայն հայ-ադրբեջանական հարաբերությունների կարգավորման հեռանկարները։
Հիշեցնենք, որ այսօր ավելի վաղ Վարչապետ Նիկոլ Փաշինյանն ընդունել է Ֆրանսիայի Օվերնյ-Ռոն-Ալպ շրջանի խորհրդի նախագահ Լորան Վոքիեին և նրա գլխավորած պատվիրակությանը, որը երկօրյա այցով գտնվում էր Սյունիքի մարզում:
Կողմերը կարևորել են տարածաշրջանում կայունության ու խաղաղության ուղղությամբ միջազգային հանրության կողմից հետևողական ջանքերի գործադրումը:
