Հայտնի է՝ երբ դատարան կներկայանա Դոնալդ Թրամփը
ԱՄՆ նախկին նախագահ Դոնալդ Թրամփն ապրիլի 4-ին կներկայանա Նյու Յորքի դատարան։ Այս մասին հայտնում է CNBC-ն։
Միևնույն ժամանակ նշվում է, որ ամսաթիվը դեռ կարող է փոխվել:
Ավելի վաղ CNN-ը, հղում անելով իր աղբյուրներին, հայտնել էր, որ Նյու Յորքի մեծ ատենակալները քվեարկել են Թրամփին մեղադրանք առաջադրելու օգտին։
Ավելի ուշ հայտնի դարձավ, որ Մանհեթենի դատախազությունը կապ է հաստատել Թրամփի փաստաբանական թիմի հետ՝ քաղաքական գործչի ներկայանալու հետ կապված՝ նրա դեմ մեղադրանք առաջադրելու նպատակով։
Թրամփն իր հերթին ասել է, որ իրեն առաջադրված մեղադրանքը քաղաքական հետապնդում է և միջամտություն նախագահական ընտրություններին։
