Հարձակվեց և տիեզերական արագությամբ փախավ. ՔՊ պատգամավորը` միջադեպի մասին
ԱԺ ՔՊ-ական պատգամավոր Արփի Դավոյանը մանրամասներ է հայտնել Պետաիրավական հարցերի մշտական հանձնաժողովում «Հայաստան» խմբակցության պատգամավոր Մհեր Սահակյանի և Վլադիմիր Վարդանյանի միջադեպից։
«Այսօր, Պետական և իրավական հարցերի մշտական հանձնաժողովում աշխատանքային քննարկում էր, որի ընթացքում «Հայաստան» դաշինքի պատգամավոր Մհեր Սահակյանը հարձակվեց հանձնաժողովի նախագահ Վլադիմիր Վարդանյանի վրա, մարմնական վնասվածքներ հասցրեց նրան և տիեզերական արագությամբ փախավ։
Պատգամավորին ոչ հարիր այս խայտառակ արարքը պետք է հետևանք ունենա նշյալ դաշնակցական պատգամավորի համար»,- գրել է Դավոյանը ֆեյսբուքի իր էջում։
Հիշեցնենք, որ քիչ առաջ ծեծկռտուք է եղել ԱԺ պետաիրավական հարցերի մշտական հանձնաժողովում՝ փակ քննարկման ժամանակ։ «Հայաստան» խմբակցության պատգամավոր Մհեր Սահակյանը հարվածել է հանձնաժողովի նախագահ Վլադիմիր Վարդանյանին։
