Բրազիլիան չի ստորագրի «Հանուն ժողովրդավարության գագաթնաժողովի» հակառուսական հռչակագիրը.

Բրազիլիան չի ստորագրի «Հանուն ժողովրդավարության գագաթնաժողովի» հակառուսական հռչակագիրը։ Այս մասին գրում է Говорит Москва-ն՝ նշելով, որ փաստաթուղթը պետք է դատապարտի Ուկրաինայում իրականացվող հատուկ գործողությունը։
 

«Դիվանագիտական ​​աղբյուրները հաստատում են, որ Լուլա դա Սիլվայի կառավարությունը համաձայն չէ Ուկրաինայում պատերազմի վրա կենտրոնանալու և գագաթնաժողովի օգտագործմանը՝ Ռուսաստանին դատապարտելու համար», - նշվում է Globo-ի հոդվածում։
 

Նյութը պարունակում է Բրազիլիայի նախագահի նամակը, ով հայտարարել է նոր սառը պատերազմի սպառնալիքի մասին և քաղաքական երկխոսությունն անվանել կոնսենսուսի հասնելու լավագույն միջոցը։
 

«Ժողովրդավարության գագաթնաժողովը» 120 պետությունների համար անցկացնում են ԱՄՆ-ը, Զամբիան, Կոստա Ռիկան, Նիդեռլանդները և Հարավային Կորեան։ Ռուսաստանի նախագահի մամուլի քարտուղար Դմիտրի Պեսկովն ասել է, որ այս իրադարձությունը «հազիվ թե կարելի է համարել լուրջ»։