Քաղաքականություն

Բլինկենն Ուկրաինայում հրադադարի առաջարկներն «ցինիկ ծուղակ» է անվանել

Բլինկենն Ուկրաինայում հրադադարի առաջարկներն «ցինիկ ծուղակ» է անվանել
ԱՄՆ պետքարտուղար Էնթոնի Բլինկենը հայտարարել է, որ Ուկրաինայում անհապաղ հրադադարի մասին առաջարկները կարող են «ցինիկ ծուղակ» լինել, որը կսառեցնի հակամարտությունը: Նա այդ հայտարարությունն արել է…

ԱՄՆ պետքարտուղար Էնթոնի Բլինկենը հայտարարել է, որ Ուկրաինայում անհապաղ հրադադարի մասին առաջարկները կարող են «ցինիկ ծուղակ» լինել, որը կսառեցնի հակամարտությունը: Նա այդ հայտարարությունն արել է արտասահմանյան գործընկերների հետ «Ուկրաինայում արդար և կայուն խաղաղության» հասնելու հեռանկարների թեմայով վիրտուալ հանդիպման ժամանակ։ Նրա խոսքը մեջբերում է ՌԻԱ Նովոստին։

 

ԱՄՆ իշխանությունները չեն թաքցնում բացասական վերաբերմունքը չինական ծրագրի նկատմամբ, որը նաև ռուս-ուկրաինական զինադադար է ենթադրում։

 

«Այն, ինչը առերևույթ գրավիչ է թվում (ո՞վ չի ուզի, որ թնդանոթները լռեն), կարող է շատ ցինիկ ծուղակ լինել, որից մենք պետք է շա՜տ զգույշ լինենք»,-ասել է Բլինկենը։

 

Պետքարտուղարը հավելել է, որ ենթադրյալ զինադադարը թույլ կտա Ռուսաստանին ամրապնդել իր ձեռքբերումները, ժամանակ շահել հանգստանալու, պաշարները համալրելու և նորից հարձակվելու համար:

 

Հիշեցնենք` Չինաստանի իշխանությունը փետրվարին խաղաղության ծրագիր է առաջարկել, որը բաղկացած է 12 կետից և պարունակում է , անվտանգության ոլորտում բոլոր երկրների օրինական շահերը հարգելու, Ուկրաինայում հումանիտար ճգնաժամի կարգավորման կոչեր։ ՌԴ նախագահ Վլադիմիր Պուտինը նշել է, որ չինական ծրագրի կետերից շատերը կարող են կարգավորման հիմք ընդունվել, երբ Արևմուտքում և Կիևում պատրաստ լինեն դրան:

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (8024) Միջազգային (3534) ԱՄՆ (2369) Ռուսաստան (2250) Իրան (1786) Ընտրություններ (1284) Ուկրաինա (910) Երևան (821) Իսրայել (766) Ադրբեջան (677) Փաշինյան (582) Եվրոպա (529) Ազգային ժողով (486) Ընդդիմություն (480) Թրամփ (453)

Radio Aurora

Լսել Radio Aurora

Գովազդային տարածք

300x250