Կիմ Չեն Ընն արգելափակել է մի ամբողջ քաղաք, երբ այնտեղ 653 փամփուշտ է անհետացել

Հյուսիսային Կորեայի ղեկավար Կիմ Չեն Ընն արգելափակել է մի ամբողջ քաղաք այն բանից հետո, երբ այնտեղ 653 փամփուշտ է անհետացել: Տեղեկությունը հայտնում է Daily Mail-ը:

Աղբյուրը մանրամասնում է, որ պատասխանատու մարմինների ներկայացուցիչները մոտ 200 000 բնակչություն ունեցող Հիեսան քաղաքում տնետուն խուզարկություն են անցկացրել զինամթերքը գտնելու համար, «Ազատ Ասիա» ռադիոկայանին հայտնել է երկու աղբյուր:

«Քաղաքը… կմնա արգելափակման մեջ, քանի դեռ չեն հայտնաբերվել բոլոր 653 փամփուշտները», - անանուն բնակիչն ասել է «Ազատ Ասիա» ռադիոկայանի կորեական ծառայությանը:

«Զորքի դուրսբերման գործընթացում փամփուշտների կորստի պատճառով լայնածավալ հետաքննություն է ընթանում»,- ասել է աղբյուրը:

Նրա փոխանցմամբ՝ զինվորները սկզբում չեն հայտնել անհետացման մասին և փորձել են իրենք գտնել փամփուշտները։

Ոստիկանությունն ու զինվորականները հետաքննություն են սկսել, շրջափակել են ամբողջ քաղաքը և սկսել տունառտուն խուզարկել, նշել է աղբյուրը:

[fbac69f51b9f75e26128e2add903c553.avif]