«Նրանք, ում Հայաստանը բանտարկյալներ է անվանում, հանցագործներ են»․ Հաջիզադեն խեղաթյուրում է փաստերը
Նրանք, ում Հայաստանը բանտարկյալներ է անվանում, հանցագործներ են, որոնք ուղարկվել են Ադրբեջան եռակողմ հայտարարության ստորագրումից երկու շաբաթ անց։ Միջազգային դատարանները մերժել են նրանց ազատ արձակման համար Հայաստանի պահանջած միջոցները։ Այս մասին Twitter-ում գրել է Ադրբեջանի արտաքին գործերի նախարարության մամուլի ծառայության ղեկավար Այխան Հաջիզադեն։
Նա նշել է, որ Հայաստանը դեռևս տեղեկատվություն չի տրամադրել 3800 անհետ կորած ադրբեջանցիների մասին։
«Հայաստանը էթնիկ զտումների է ենթարկել Ադրբեջանի Հանրապետության շուրջ 1 միլիոն բնակչի։ Դա խոչընդոտում է փախստականների և ներքին տեղահանվածների անվտանգ վերադարձը»,- ասել է Հաջիզադեն։
Ագրեսոր երկրի արտաքին գործերի նախարարության ներկայացուցիչը նշել է է, որ Հայաստանը պետք է հրաժարվի ագրեսիվ հռետորաբանությունից, որը վնասում է տարածաշրջանում խաղաղության հաստատման ջանքերին։
