«Ուկրաինան, ընդհանուր առմամբ, Ռուսաստանի մի մասն է». Մեդվեդև
ՌԴ Անվտանգության խորհրդի փոխնախագահ Դմիտրի Մեդվեդևը կարծում է, որ Ուկրաինան Ռուսաստանի մաս է։ Նրա խոսքով, աշխարհաքաղաքական պատճառներով Ռուսաստանի և Ուկրաինայի քաղաքացիները ստիպված են եղել համակերպվել «այդ ֆիկտիվ սահմանների հետ»։ Տեղեկատվությունը փոխանցում է kommersant.ru-ն:
«Ուկրաինան, ընդհանուր առմամբ, Ռուսաստանի մի մասն է, ճիշտը խոսենք՝ Ռուսաստանի մի մասն է։ Բայց աշխարհաքաղաքական նկատառումներից ելնելով և կատարվածի պատմությունից ելնելով, մենք համակերպվել ենք այն փաստի հետ, որ մենք երկար ժամանակ ապրում ենք տարբեր բնակարաններում, պետք է հաշվի նստել դրա հետ՝ այս ֆիկտիվ սահմանների հետ»,- ասել է նա:
Դմիտրի Մեդվեդևի խոսքով՝ ժամանակակից Ռուսաստանի և Ուկրաինայի տարածքները միշտ եղել են Ռուսական կայսրության կազմում և բնակեցված են եղել բնօրինակ ռուս բնակչությամբ։
«Դա ամբողջ Ռուսական կայսրությունն էր, սա հասկանալի է, բացառությամբ որոշ տարածքների, որոնք մեզ հասան Երկրորդ համաշխարհային պատերազմի արդյունքում, այս տարածքները նույնպես բնակեցված են եղել ռուս բնակչությամբ և նեղ իմաստով միշտ եղել են Ռուսաստանի կազմում»,- հավելել է Մեդվեդևը:
