«Так себе»․ Մեդվեդևը՝ «Բայրաքթար»-ի մասին
Ոչ բոլոր արտասահմանյան անօդաչու թռչող սարքերն են կատարյալ, այդ թվում՝ թուրքական «Բայրաքթար»-ը, ռուսական լրատվամիջոցներին տված հարցազրույցում ասել է Դմիտրի Մեդվեդևը, որը հրապարակել է թելեգրամյան իր ալիքում մի հատված։ Տեղեկատվությունը փոխանցում է rbc.ru-ն։
«Այն նույն «Բայրաքթար»-ը, որի մասին շատ խոսվեց, իրականում այդքան էլ լավը չէ («так себе»)։ Չի կարելի ասել, որ սա այդքան ֆանտաստիկ բան է»,- ասել է Մեդվեդևը։
«Նրանք մեզ անընդհատ ասում են, որ այնտեղ իրանական բան է: Սա բացարձակապես ռուսական զինամթերք է՝ բարձր ճշգրտությամբ և համեմատաբար փոքր լիցքավորմամբ»,- պարզաբանել է Մեդվեդևը։
