«Իրեն ռիսկի ենթարկողը լավագույն դեպքում ապուշ կարող է լինել»․ Ջոն Քիրբի

Ոչ մի քաղաքակիրթ երկիր չի պարգևատրի օդաչուներին իրենց կանխամտածված վտանգի ենթարկելու համար։ Այս մասին հայտարարել է ընդգծել է Սպիտակ տան Ազգային անվտանգության խորհրդի ռազմավարական հաղորդակցությունների հարցերով համակարգող Ջոն Քիրբին: Տեղեկատվությունը փոխանցում է korrespondent.net-ը։

Ճեպազրույցի ժամանակ Քիրբին ասել է, որ ռուսական իշխանությունները քաջության մասին շատ տարօրինակ պատկերացումներ ունեն, եթե հերոս են համարում Սեւ ծովի վրայով ամերիկյան հետախուզական անօդաչու թռչող սարքը խոցած օդաչուներին։ Նա ծիծաղելի է անվանել Ռուսաստանի Դաշնությունում օդաչուների պարգևատրումը, որոնք մասնակցել են օդային միջադեպին։

«Ես չգիտեմ աշխարհում որևէ այլ բանակ, աշխարհում որևէ այլ օդային ուժ, որը կպարգևատրեր օդաչուին անօդաչու թռչող սարքի հետ բախվելու համար: Եթե դա քաջություն է, ապա կարծում եմ, որ նրանք դրա այլ սահմանում ունեն: Սա ծիծաղելի է»,- ասել է ԱՄՆ վարչակազմի ներկայացուցիչը։

Քիրբին հավելել է, որ իրեն ռիսկի ենթարկողը «լավագույն դեպքում ապուշ կարող է լինել»:

«Մենք չգիտենք՝ այս օդաչուն միտումնավոր փորձում էր խոցել անօդաչու թռչող սարքը, թե ոչ, բայց նա դա արեց: Տեսանյութի ապացույցները բավականին համոզիչ էին... Ես պատկերացում չունեմ, թե ինչու են նրանք խիզախության պարգև տվել օդաչուին, ով միտումնավոր իրեն և ԱՄՆ-ի սեփականությունը մեծ վտանգի տակ է դրել, լավագույն դեպքում՝ պարզապես ապուշ է»,- ամփոփել է նա։

Հիշեցնենք, որ մարտի 14-ին ԱՄՆ զինվորականները հայտարարել էին, որ ռուսական ինքնաթիռը խոցել է ամերիկյան հետախուզական անօդաչու թռչող սարքը Սև ծովի վրա։