Սեդա Սաֆարյանի լիազորությունները դադարեցնելու հարցով ընդդիմության նախաձեռնությունը չընդունվեց
Սեդա Սաֆարյանի լիազորությունները դադարեցնելու հարցով ՍԴ դիմելու որոշմանը կողմ է քվեարկել 30 պատգամավոր, հետևաբար, ընդդիմության նախաձեռնությունը չընդունվեց։
ՀՀ Ազգային ժողովը չի դիմի Սահմանադրական դատարան դատավոր Սեդա Սաֆարյանի լիազորությունները դադարեցնելու հարցով։ Փակ գաղտնի քվեարկությունից հետո ԱԺ հաշվիչ հանձնախմբի նախագահ Նարեկ Բաբայանը նշեց, որ 107-պատգամավորից մասնակցել է 30-ը։
Ձայները բաշխվել են հետևյալ կերպ` կողմ` 30, դեմ` 0, անվավեր քվեաթերթիկներ չեն եղել։
Նշենք, որ Սահմանադրական դատարան կարելի է դիմել ԱԺ պատգամավորների ընդհանուր թվի ձայների առնվազն 3/5-րդով (63 պատգամավոր) ընդունված որոշմամբ։
Ավելի վաղ տեղեկացրել էինք, որ ԱԺ-ն քննարկում է ՍԴ դատավոր Սեդա Սաֆարյանի լիազորությունները դադարեցնելու հարցով ՍԴ դիմելու՝ «Հայաստան» խմբակցության նախագիծը։
