«Կեղծ-էկոակտիվիստը սպառնում է սպանել բոլոր հայերին». Մարուքյանը` տարածվող տեսանյութի մասին

Հատուկ հանձնարարություններով դեսպան Էդմոն Մարուքյանը արձագանքել է թշնամու կողմից սոցիալական ցանցում տարածված  տեսանյութին, որում կեղծ էկոակտիվիստներից մեկը Լաչինի միջանցքում սպառնում է հայերին։

Տեսանյութի առնչությամբ Էդմոն Մարուքյանը գրել է․

«Արյունռուշտ ռեժիմը և նրա խամաճիկները չեն բավարարվում՝ սովամահ անելով ԼՂ 120․000 բնակիչներին։  Այժմ նրանց կեղծ-էկոակտիվիստը սպառնում է սպանել բոլոր հայերին և բառացիորեն խմել նրանց արյունը։  

Մենք իսկապե՞ս ապրում ենք 21-րդ դարում: Մոտակայքում կա՞ քաղաքակիրթ աշխարհ»:

Հիշեցնենք, որ Լաչինի միջանցքը փակող ադրբեջանցի էկոահաբեկիչը Նովրուզի պատվին առաջարկում է հայ մորթել։ Համապատասխան տեսանյութը տարածվել է համացանցում։