ՏԵՍԱՆՅՈՒԹ. Պուտինի և Սի Ծինփինի հանդիպման պահը. ինչ հարցեր են օրակարգում
Կրեմլում սկսվել է ՌԴ նախագահ Վլադիմիր Պուտինի և Չինաստանի ղեկավար Սի Ծինփինի ոչ պաշտոնական հանդիպումը։
Ղեկավարները զրուցում են դեմ առ դեմ ձևաչափով՝ Կրեմլի առաջին մասնաշենքում գտնվող ներկայացուցչությունում։
Ավելի վաղ հաղորդվել էր, որ Չինաստանի ղեկավար Սի Ծինփինը սկսել է պետական այցը Ռուսաստան, նրա ինքնաթիռը վայրէջք է կատարել Մոսկվայի «Վնուկովո» օդանավակայանում։ Չինաստանի ղեկավարի այցը կտևի մինչև մարտի 22-ը։
Ինչպես հաղորդում է Կրեմլը, նախագահ Վլադիմիր Պուտինի հետ բանակցությունների ընթացքում կքննարկվեն «Ռուսաստանի և Չինաստանի միջև համապարփակ գործընկերության և ռազմավարական փոխգործակցության» հարաբերությունների հետագա զարգացման արդիական հարցեր։ Բացի այդ, նախատեսվում է ստորագրել համատեղ փաստաթղթեր։
